4 майга ўтар кечаси соат 1:03 да Тошкентда яна зилзила кузатилди. «Тошкент» сейсмостанцияси «Дарё»га маълум қилишича, зилзила эпицентри Қирғизистон ҳудудида, Тошкентдан 320 км масофада жойлашган.
Эпицентрда зилзила магнитудаси 4,5 ни ташкил этган. Тошкентда эса ер силкиниши тахминан 2 балл даражасида сезилган.
Сейсмостанция зилзила Ўзбекистоннинг бошқа шаҳарларида сезилмаганини қайд этди.
Эслатиб ўтамиз, 3 май куни соат 09:47 да Ўзбекистоннинг айрим ҳудудларида зилзила қайд этилганди. Зилзиланинг эпицентри Тошкент шаҳрининг жануби-шарқий йўналишида 295 км узоқликда Тожикистон Республикаси ҳудудига тўғри келди. Эпицентрда қайд этилган зилзила магнитудаси 6,0 ни ташкил этди. Кейинроқ Фавқулодда вазиятлар вазирлиги ер қимирлаши оқибатида Ўзбекистон ҳудудида жабрланиш ва талафотлар кузатилмаганини маълум қилди.
Изоҳ (0)