Чилонзор туманида психотроп модда сотишга вояга етмаган фарзандини жалб қилган аёл қўлга олинди. Бу ҳақда Бош прокуратура ҳузуридаги Департаментнинг Юнусобод бўлими катта инспектори Исломжон Турсунов маълум қилди, деб хабар берди «1news.uz».
Қўлга олинган шахс Чилонзор туманининг 20-мавзесида «Лирика» психотроп моддасини ноқонуний равишда сотган. Аёл бу ишга ўзининг вояга етмаган ўғлини ҳам жалб қилган. Ўғли рюкзагига дори воситаларини солиб чиқиб сотаётган вақтда ушланган. Рюкзак ичидаги дори воситалари текширилганда, психотроп ва гиёҳванд моддаларга тенглаштирилган қатор кимёвий моддалар, хусусан, «лирика» дори воситаси борлиги аниқланган.
24post.uz нашрининг билдиришича, Бош прокуратура ҳузуридаги Департаментнинг Юнусобод бўлими ходимлари Чилонзор туманидаги 200-умумтаълим мактабнинг ўқувчилари ҳамда ота-оналари билан ушбу жиноят хусусида суҳбат уюштириб, тушунтириш ишлари олиб борган.
Психотроп ва гиёҳванд моддаларга тенглаштирилган кимёвий моддаларни катта миқдорда олиб кириш, сотиш ва шу орқали ёшларни зарарли одатларга кўникма ҳосил қилдириш катта жиноят эканлиги таъкидланди. Айбдор фуқаронинг хатти-ҳаракати қораланди.
Изоҳ (0)