Ўзбекистон ички ишлар вазири Абдусалом Азизов Халқаро пресс-клубда бўлиб ўтган йиғилишда Денов туманидаги боғчада ва Фарғонадаги мактабда юз берган ҳолатга муносабат билдирди.
Бир неча ой аввал ижтимоий тармоқларда Сурхондарё вилоятининг Денов туманидаги болалар боғчасида тарбиячининг болаларни пичоқ билан қўрқитаётгани акс этган видео тарқалган эди.
Кейинроқ эса Фарғонадаги мактабнинг бошланғич синф ўқитувчиси ўқувчиларни ураётгани акс этган видео тармоқда пайдо бўлган эди.
Бу тасвирларни Сурхондарё вилояти ҳокимияти фаоллари билан муҳокама қилдик. Бу воқеалар ҳақиқатдан 2016 йилнинг сентябрь ойида Сурхондарё вилоятининг Денов туманида бўлган. Ҳолат бўйича жиноят иши қўзғатилган ва суд томонидан айбдорларга тегишли жазо белгиланган. Боғча мудираси ва тарбиячи қонуний жавобгарликка тортилган.Вазирнинг қайд этишича, мактабларда болалар хавфсизлигини таъминлаш бўйича тегишли ишлар олиб борилмоқда. Бир қатор мактаблар марказлаштирилган қўриқлаш хизматига уланди. Кўплаб мактаблар видеокузатув тизими билан жиҳозланди. Бу тизимлар ички ишлар идоралари участкаларига боғланган.Фарғонадаги мактабда юз берган ҳолат юзасидан маъмурий жавобгарлик бўйича иш қўзғатилиб, судга оширилган.
Абдусалом Азизов, Ўзбекистон Республикаси ички ишлар вазири, генерал майор
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)