Қорақалпоғистон Республикаси Қонликўл туманида 20 оиланинг «Президент эътибори хайрия тадбирларида» шиори остида никоҳ тўйлари ўтказиб берилди. Бу ҳақда «KRuz.uz» хабар бермоқда.
Ёш оилалар дастлаб туман марказидаги «Мотамсаро она» хотира майдонига гулчамбарлар қўйди. Шундан сўнг улар Maxima тантаналар уйида кутиб олинди.
Келин-куёвларни Қорақалпоғистон Республикаси Вазирлар Кенгаши раиси Қ.Сариев, туман ҳокими М.Қосназаров, Қорақалпоғистон Республикаси касаба уюшмалари бирлашмаси кенгаши раиси У.Жалменов ва бошқалар табриклади.
Ўзбек ва қорақалпоқ эстрадаси юлдузлари Г.Асалхўжаева, А.Надирова, А.Алламбергенов ва бошқа санъат вакиллари тўйга файз киритди.
Ёш оилаларга никоҳ гувоҳномалари топширилиб, кийим-кечаклар ва ётоқхона мебел жамланмаси сертификатлари тақдим этилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)