O‘zbekiston ichki ishlar vaziri Abdusalom Azizov Xalqaro press-klubda bo‘lib o‘tgan yig‘ilishda Denov tumanidagi bog‘chada va Farg‘onadagi maktabda yuz bergan holatga munosabat bildirdi.
Bir necha oy avval ijtimoiy tarmoqlarda Surxondaryo viloyatining Denov tumanidagi bolalar bog‘chasida tarbiyachining bolalarni pichoq bilan qo‘rqitayotgani aks etgan video tarqalgan edi.
Keyinroq esa Farg‘onadagi maktabning boshlang‘ich sinf o‘qituvchisi o‘quvchilarni urayotgani aks etgan video tarmoqda paydo bo‘lgan edi.
Bu tasvirlarni Surxondaryo viloyati hokimiyati faollari bilan muhokama qildik. Bu voqealar haqiqatdan 2016-yilning sentabr oyida Surxondaryo viloyatining Denov tumanida bo‘lgan. Holat bo‘yicha jinoyat ishi qo‘zg‘atilgan va sud tomonidan aybdorlarga tegishli jazo belgilangan. Bog‘cha mudirasi va tarbiyachi qonuniy javobgarlikka tortilgan.Vazirning qayd etishicha, maktablarda bolalar xavfsizligini ta’minlash bo‘yicha tegishli ishlar olib borilmoqda. Bir qator maktablar markazlashtirilgan qo‘riqlash xizmatiga ulandi. Ko‘plab maktablar videokuzatuv tizimi bilan jihozlandi. Bu tizimlar ichki ishlar idoralari uchastkalariga bog‘langan.Farg‘onadagi maktabda yuz bergan holat yuzasidan ma’muriy javobgarlik bo‘yicha ish qo‘zg‘atilib, sudga oshirilgan.
Abdusalom Azizov, O‘zbekiston Respublikasi ichki ishlar vaziri, general-mayor
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)