Бразилиянинг Сан-Паулу штатидаги Сан-Жозе-дус-Кампус шаҳри яқинида автомобиль трассани тўсиб қўйган оломонга келиб урилди. Бу ҳақда «РИА Новости» хабар бермоқда.
YouTube’да жойлаштирилган роликда меҳнат қонунчилиги ислоҳотлари ва пенсия ёши оширилишига қарши норозилик намойишига чиққан бир неча ўнлаб кишилар машиналар ўтишига йўл қўймаётганини кўриш мумкин.
Автомобиль эгаларидан бири ҳаракатни давом эттиришга қарор қилди ва оломон томонга аста-секин юра бошлади. Бироқ бир неча киши машина капотига ёпишиб, йўлни тўсиб қўйди. Шунда у кескин равишда тезликни оширди ва бир неча кишини босиб ўтиб кетди.
Маҳаллий ОАВга кўра, мазкур ҳодиса оқибатида икки аёл жабрланди. Полиция автомобиль эгасини кейинчалик қўлга олди.
Изоҳ (0)