Хитойда уч ёшли бола 18-қаватдан қулаб тушиб, тирик қолди. Бу ҳақда South China Morning Post хабар бермоқда.
Маҳаллий оммавий ахборот воситалари маълумотларига кўра, ҳодиса юз берган кунда бола бувиси ва бувасининг назоратида бўлган. Улар набираси ухлаяпти деб ўйлаб, озиқ-овқат харид қилиш учун қисқа вақтга чиқиб кетишган ва квартира эшигини қулфлаб қўйишган. Уйғонган бола ваннахонага кириб, ҳожатхонага чиқишга муваффақ бўлган ҳамда ҳимояланмаган деразадан ташқарига йиқилиб тушган.
Боланинг отасининг айтишича, унинг йиқилишига 17-қаватдаги очиқ дераза таъсир қилган бўлиши мумкин. Бу четга оғишга сабаб бўлиб, бола тўғридан-тўғри дарахтга тушган.
“Агар у дарахт бўлмаганида, у бетон устига тушиб кетган бўларди”, дейди боланинг отаси.
Болани ерда маҳаллий аҳоли вакили топиб олиб, тез ёрдам чақирган. Ҳодиса жиддийлигига қарамай, бола ҳушини йўқотмаган. Унинг қўли синган, умуртқа поғонаси чўзилган ва ички аъзолари шикастланган, аммо бошига зарар етмаган.
Боланинг отаси миннатдорлик рамзи сифатида уни қутқарган дарахтни анъанавий қизил гул билан безатган. Бу Хитой маданиятида ҳурмат ва байрам белгиси ҳисобланади.
Изоҳ (0)