Трамп: Гольф ўйнаш мени умуман ташвишлантирмайди

АҚШ президенти Дональд Трамп Fox News’га берган интервьюсида нима сабабдан Вашингтондан ташқарида жойлашган хусусий муассасаларига боришини изоҳлади, деб хабар берди «Газета.ru».

Трамп, кўпчилик ўйлаганидек гольф ўйнаш ўзини ҳеч ҳам ташвишлантирмаслигини қайд этди.

«Менинг мулким кўп. Агар Нью-Жерсидаги клубларимга боргудек бўлсам, «У гольф ўйнамоқчи», деб айтишади. Мен гольф ўйнамоқчи бўлмайман, гольф мени умуман ташвишга солмайди», — деди Трамп.

Америка етакчисининг сўзларига кўра, хавфсизлиги учун Нью-Йорк ва «Трамп-тауэр»дагига қараганда камроқ маблағ сарфлаш мақсадида шундай йўл тутишини айтди.

«Мен у ерда ўйин-кулги қилмайман. Мен клубга борганимда, у ерда ишлайман», — дея таъкидлади Трамп.

«Дарё»нинг Telegram’даги расмий канали — @toshqindaryo’га аъзо бўлинг!