27 апрель, пайшанба куни АҚШ ҳамда Афғонистон хавфсизлик кучларининг Нангархар вилоятида ўтказган махсус операцияси натижасида ИШИД террорчилик ташкилотининг 35 жангариси йўқ қилинди. Бу ҳақда Пентагон расмий вакили Жефф Дэвис маълум қилди, деб хабар берди «РИА Новости».
«Рейд натижасида ИШИДнинг 35 жангариси, жумладан, бир нечта қўмондонлари ҳам йўқ қилинди», — деди Жефф Дэвис.
Ўлдирилганлар орасида ИШИДнинг Афғонистондаги етакчиси «амир» Абдул Хасиб ҳам бўлган бўлиши мумкин, дея қўшимча қилди Пентагон вакили.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)