Бизнинг бобо-бувиларимиз бир кунда кам-камдан 5-6 марта овқатланишган, бугунги кунда эса уч марта тўйиб овқатланиш қоидага айланган. Бизнинг ортиқча ейишимизнинг сабаби нимада?
Одамнинг озуқавий феъл-атвори бир-бирини тўлдириб турадиган икки гормон – грелин ва лептин билан характерланади. Грелин – пептид гормон бўлиб, иштаҳа қўзғатади, истеъмол қилинаётган овқатлар ва ёғлар миқдори сонини оширади. Бу белгилар одамнинг овқатлар масаласига жавоб берувчи гипоталамусга етиб боради. Натижада иштаҳа очилади ва очлик ҳисси пайдо бўлади.
Меъда тўлиши билан ёғ тўқималари гормони – лептин ишлаб чиқарила бошлайди. Лептин – бу энергия алмашинувини бошқариб турувчи, иштаҳани бўғувчи пептид гормони ҳисобланади. Лептин меъда девори асаб учлари ва гипоталамус рецепторларига таъсир ўтказади, бу билан мияга тўқлик белгисини беради.
Шундай қилиб физиологик нуқтаи назардан, керагидан ортиқча ейиш – бу тўқлик хабарини ўтказиб юбориш. Лекин нима учун биз уни эътиборсиз қолдирамиз? Ортиқча ейишнинг сабаби нимада?
Мазали таомнинг кўриниши ва хушбўй ҳиди қувонч гормони – дофаминни қўзғатади. Бу оддий ҳол. Муаммо шундаки, биз хоҳлаган овқатимизни ея оладиган замонда яшаяпмиз ва бундай қўзғалишларнинг ҳар бири ортиқча ейиш томон яқинлаштиради.
Замонавий дунёда ортиқча ейишдан қандай қутулиш мумкин? Эсингизда бўлсин: сиз берилган имкониятларнинг ҳаммасида ҳам емаслигингиз керак.
Ҳар доим организмга қулоқ солинг. Дўстларингиз билан қаҳва ёки чой ичишга қарор қилганингизда — қўшимча пирог бўлагини ҳақиқатан ҳам хоҳлаганингиз учунми ёки одатга кўра емоқчимисиз, буни яхшилаб ўйлаб кўринг. Меҳмондами ёки уйдами беихтиёр конфетлар, пишириқлар ва бошқа ширинликларни ейишни бас қилинг. Бирор нарса ейишдан олдин ортиқча ейиш ҳам ва унинг оқибатида юзага келадиган муаммолар ҳам сизга қўрқинчли эмаслигини ўйланг кўринг.
Манба: «Lifehacker.ru»
Изоҳ (0)