Аллергия тўғрисидаги энг машҳур уйдирмаларни фош қиламиз

Баҳор – табиат уйғонадиган, ўсимликлар гуллайдиган ва ... аллергия ҳам кўпаядиган фасл. Аллергия борасида халқимиз онгига турли хил фикрлар ўрнашиб қолган. «Зарарли маслаҳатлар» соғлиғингизга зарар келтиришини хоҳламайсизми? У ҳолда ушбу мақоламиз сиз учун.

Аллергияни даволамаса ҳам бўлади

Агар аллергия даволанмаса, у зўрайиб кетиши ва келгусида нафас олиш тизимининг сурункали касалликларига олиб келиши мумкин. Бундан ташқари, даволанмаган аллергия кўп йиллар давомида яшашни қийинлаштириши мумкин. Бунга йўл қўймаслик учун поллиноз мавсуми бошланмасдан олдин махсус аллерген иммунотерапия – аллерген  микродозалари билан даволаш босқичи ўтказилиши мақсадга мувофиқ бўлар эди.

Аллергияга ёрқин ва йирик гуллар сабаб бўлади

Аслида эса йирик ғунчалар жуда камдан-кам ҳолларда аллергияга сабаб бўлади, чунки улар чанг чиқармайди ва деярли ҳиди йўқ. Лекин уларга гулдасталарни безатишда ишлатиладиган бошоқли ўсимликлар сабаб бўлиши ҳам мумкин.

Уйда мукаммал тозалик сақланмаса, болада аллергия пайдо бўлади

Уйдаги чангларнинг зарари тўғрисида эшитган кўпчилик ота-оналар иложи борича уйни тоза тутишга ҳаракат қилишади. Лекин, мукаммал тозаликда яшайдиган кишилар аллергик муаммоларга кўпроқ дуч келиши ҳақида назария мавжуд.

Тоза ҳавода аллергия билан касалланиш эҳтимоли камроқ бўлади

Аллергияга мойил кишиларнинг яшил зоналарга саёҳат қилиши умуман мумкин эмас, чунки у ерда хавфли аллергенлар зичлиги шаҳардагидан кўра юқорироқдир.

Манба: «Whrussia.com»