24 апрель куни Ўзбекистон «Камолот» ёшлар ижтимоий ҳаракати Марказий Кенгашининг навбатдан ташқари йиғилиши бўлиб ўтди. Бу ҳақда «Камолот» расмий сайти хабар бермоқда.
Унда Ҳаракатнинг Марказий Кенгаши аъзолари иштирок этди.
Йиғилишда «Камолот» ёшлар ижтимоий ҳаракатининг фаолиятига доир ишлар муҳокама этилиб, ташкилий масала кўрилди.
Мажлисда Ўзбекистон «Камолот» ёшлар ижтимоий ҳаракати Марказий Кенгаши раисининг биринчи ўринбосари этиб Ашуров Сарвар Ғаниевич сайланди.
Маълумот учун, Сарвар Ашуров 1982 йилда Қашқадарё вилоятида туғилган. 2003 йил Ўзбекистон миллий университетини, 2009 йил Тошкент молия институтини тугатган.
Сарвар Ашуров 2013 йилдан Ўзбекистон «Камолот» ёшлар ижтимоий ҳаракати Марказий Кенгаши раисининг ўринбосари – Республика «Камалак» болалар ташкилоти раиси лавозимида фаолият юритиб келган.
Изоҳ (0)