Ўзбекистон Меҳнат вазири Азиз Абдуҳакимов ва Жанубий Корея элчиси Квон Ён У иштирокида 22 апрелда учрашув бўлиб ўтди. Учрашувда Жанубий Кореяда меҳнат фаолиятини амалга ошириш учун Ўзбекистон фуқароларини танлаш механизмини такомиллаштириш масаласи муҳокама қилинди. Бу ҳақда «Газета.uz» хабар берди.
Томонлар Ўзбекистон фуқаролари учун квоталарни кўпайтириш, рухсат бериш жараёнини соддалаштириш, шунингдек, танлов жараёнининг объективлиги, адолатлилиги ва шаффофлигини таъминлаш билан боғлиқ масалаларни кўриб чиқди.
Жанубий Кореяда Ўзбекистон Меҳнат вазирлиги ҳузуридаги Ташқи меҳнат миграцияси масалалари бўйича агентликнинг ваколатхонасини очиш масалалари алоҳида муҳокама қилинди.
Меҳнат вазири корейс томонига агентлик раҳбариятининг Жанубий Кореяга ишлаш учун кетишни истаган фуқаролар учун яқинда муваффақиятсиз ўтказилган тест синовларидан сўнг ўз лавозимидан озод этилганини маълум қилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)