Сурия мактабларида рус тили иккинчи тил сифатида ўқитилмоқда, мамлакатдаги барча университетларда эса рус тилини ўрганиш кафедралари очилди. Бу ҳақда Суриянинг Россиядаги элчиси Риёд Ҳаддод Федерация Кенгашида сўзлаган нутқида айтиб ўтди, деб ёзади Afisha Daily.
«Президент Башар Асаднинг рус тилини Сурияда иккинчи тилга айлантириш ҳақидаги қарори — Сурия халқининг кўрсатилган кўмак учун Россия халқига миннатдорлигининг бир кўриниши», — деди Ҳаддод.
У, шунингдек, Суриядаги кўплаб оилалар ўз фарзандларига Путин деб исм қўяётганини, рус тилини эса, хусусан, Сурия президенти Башар Асаднинг болалари ўрганаётганини қўшимча қилди.
Изоҳ (0)