Нью-Йорк шаҳар кенгашига маҳаллий мансабдорлар ва полицияга шаҳардан ноқонуний муҳожирларни чиқариб юборишда федерал расмийларга кўмаклашишни ман этувчи қонун лойиҳаси киритилди. Бу ҳақда «Газета.ru» хабар бермоқда.
«Қонун лойиҳаси шаҳар бюджети маблағларини АҚШ ички хавфсизлик вазирлигига муҳожирларни шаҳардан бадарға қилишга кўмаклашиш учун сарфлашни ман этади», — дея таъкидлади лойиҳа муаллифларидан бири, Нью-Йорк шаҳар кенгаши аъзоси Рафаэль Эспиналь.
Мэр Билл де Блазио қарорига кўра, Нью-Йорк ноқонуний муҳожирлар учун бошпана шаҳар ҳисобланади. Шаҳар полиция бошқармаси иммиграция полицияси ходимларига ёрдам бермаслик ҳақида кўрсатма олган.
Қонун лойиҳаси қабул қилинган тақдирда шаҳарнинг расмий идоралари, мэр лавозимини ким эгаллашидан қатъи назар, муҳожирларни бадарға қилишда кўмаклашиш ҳуқуқига эга бўлмайди. Мазкур ҳужжат 25 апрелда кўриб чиқилади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)