2017 йилги Forbes рейтингининг россиялик энг ёш иштирокчилари (фото)

Forbes нашрининг Россиядаги бўлими энг бадавлат бизнесменлар рейтингини эълон қилди. Рўйхатга 40 ёшгача бўлган олти киши кирди.

Дени Бажаев

Ёши: 21

Бойлиги: 600 миллион доллар

Рейтингдаги ўрни: 156

Дени Бажаев — «Группа Альянс» асосчиси Зия Бажаев (катта суратда)нинг ўғли. У 2000 йилда Як-40 самолёти қулаши натижасида ҳалок бўлгач, унинг компанияси ўғли Дени ва укаси Муса Бажаевлар ўртасида тенг тақсимланди.

Павел Дуров

Ёши: 32

Бойлиги: 950 миллион доллар

Рейтингдаги ўрни: 100

Павел Дуров — «ВКонтакте» асосчиси ва Telegram мессенжери яратувчиси. Сервис Павелнинг акаси Николай ишлаб чиққан MTProto ёзишмаларни шифрлаш технологиясига асосланган. 2014 йилда Павел Дуров Россияни тарк этди ва қайтиб бормоқчи эмаслигини маълум қилди.

Вячеслав Мирилашвили

Ёши: 33

Бойлиги: 950 миллион доллар

Рейтингдаги ўрни: 103

Вячеслав Мирилашвили — «ВКонтакте» ҳамасосчиси ва собиқ эгадоши. 2013 йилда Мирилашвили «ВКонтакте» акцияларининг 40 фоизини Илья Шчербович ва шерикларининг United Capital Partners компаниясига 700 миллион долларга сотди.

Кирилл Шамалов

Ёши: 35

Бойлиги: 1,3 миллиард доллар

Рейтингдаги ўрни: 74

Кирилл Шамалов — Россия президенти Владимир Путиннинг эски таниши, «Россия» банки эгадоши Николай Шамаловнинг ўғли. Bloomberg ва Reuters маълумотларига кўра, бизнесмен «Иннопрактика» жамғармаси раҳбари ва Москва давлат университети проректори Катерина Тихоновага уйланган, у эса агентликлар ахборотига кўра, Владимир Путиннинг қизидир.

Алексей Репик

Ёши: 37

Бойлиги: 900 миллион доллар

Рейтингдаги ўрни: 116

Алексей Репик — «Р-Фарм» компаниялар гуруҳи асосчиси ва директорлар кенгаши раиси. «Деловая Россия» президенти.

Иван Таврин

Ёши: 40

Бойлиги: 500 миллион доллар

Рейтингдаги ўрни: 199

Иван Таврин — «ЮТВ Холдинг» («Ю» телеканали, Disney телеканали, «Муз-ТВ»)нинг 50 фоиз акциялари ва USM Holdings’нинг 3 фоиз акциялари хўжайини. «МегаФон» ОАЖ директорлар кенгаши аъзоси, «Металлоинвест» УК ноижрочи директори, Mail.ru Group директори.