Хитой қимматли қоғозлар бозорини тартибга солиш комиссиясининг собиқ ходими Фэн Сяошу акциялар билан фирибгарлик қилгани учун 251 миллион юань (36,4 милион доллар) миқдорида жаримага тортилди. Бундан ташқари, у бутун умрга қимматли қоғозлар бозорида битимлар тузиш ҳуқуқидан маҳрум қилинди. Бу ҳақда «Синьхуа» агентлигига таяниб, «Коммерсантъ» хабар берди.
Комиссия расмий вакили Чжан Сяоцзюннинг тушунтиришича, Шэньчжэнь фонд биржаси ходими бўлган Фэн Сяошу қайнонаси ҳамда синглиси номидан биржага чиқмоқчи бўлган компаниялар улушига қўшилган. Бу иш амалга ошгач, хитойлик уларнинг қимматли қоғозларини сотган ва фойда кўрган. Ҳуқуқ-тартибот ходимлари Сяошудан ноқонуний равишда ишлаб топилган 248 миллион юань (36 миллион доллардан ортиқ) пулни мусодара қилди.
Хитой Олий халқ судининг ишчи ҳисоботига кўра, 2016 йилда мамлакат судлари 2862 кишини коррупцияда айбдор деб топди. Ҳисобот маълумотлари бўйича ўтган йили коррупция билан боғлиқ 45 мингта иш кўриб чиқилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)