Ширин ичимликларни доимий истеъмол қилишнинг энг асосий хавфи маълум қилинди

Америкалик олимларнинг тадқиқотлари ширин ичимликлар (масалан, газли ширин ичимликлар)нинг доимий истеъмоли бош мия ҳажми кичрайиши ва хотира ёмонлашишига олиб келишини кўрсатди. Тадқиқот натижалари Alzheimer’s & Dementia ва Stroke журналларида эълон қилинди, деб хабар бермоқда EurekAlert.

Шунингдек, олимларнинг аниқлашича, парҳез учун мўлжалланган газли ширин ичимликлар (уларнинг таркибида шакар ўрнини босувчи модда бор) истеъмоли инсультнинг юзага келиши ва ақл заифлашиши хавфини оширади.

Мутахассислар таркибида шакар бўлган ичимликларнинг инсон соғлиғига таъсирини таҳлил қилганидан кейин шундай хулосага келди.

Тадқиқот магнит-резонансли текширувдан ўтган 3 гуруҳ иштирокчилар натижасини ўз ичига олди. Биринчи гуруҳда 30 ёшдан ошган қарийб 4 минг киши, иккинчи гуруҳда 45 ёшдан катта 3 минг киши ҳамда учинчи гуруҳда 60 ёшдан ошган тахминан 1,5 минг киши иштирок этди.

«Дарё»нинг Telegram’даги расмий канали — @toshqindaryo’га аъзо бўлинг!