«Қарақалпақстан» телеканалида «Халқ мапи» («Халқ манфаати») кўрсатуви орқали халқ фикридан келиб чиқиб, йўловчиларга қандай шароитлар яратилгани ҳақида лавҳа тайёрланди, деб хабар берди «Kruz.uz».
Бунда телеканал журналисти Нукусдаги шимолий автовакзалда чипта тарқатиш ўринларида бирорта ҳам йўловчининг йўқлиги диққатни тортди. Вокзал кассасида ўтирган аёл чипталар сотуви ҳақида шундай деди: «Ҳозир келиб олишди. Охирги марта Тахтакўпир туманига қатновчи автобус ҳайдовчиси чиптага ведомост олди».
Бироқ журналист ҳайдовчидан бу ҳақда сўраганда у ҳали ведомост олмаганини айтди. Ўз ўрнида журналист йўловчиларга чипта берилмаётганига ҳам алоҳида эътибор қаратиб ўтди. Шунингдек, яқиндагина реконструкциядан чиққан жанубий автовакзалнинг ачинарли ҳолатда қолиши ташвишланарли ҳолат экани қайд этиб ўтилди.
«Февраль ойида Нукус шаҳри ҳокимининг фармойиши чиқди. Унга кўра ‘Гўне қала’ (Эски шаҳар)даги автотураргоҳни ҳозирги ‘Жидели Байсун’ посёлкасига кўчириш, шу йилнинг охиригача амалга оширилади. Шунингдек, янгидан автотураргоҳ қурилиши бошлаб юборилди. Жанубий автовокзални ҳам бошқа жойга кўчириш назарда тутилган. Бу вокзалда ҳали реконструкция ишлари якунланмади. Ташқи фасад ишлари амалга оширилиб бўлинди. Энди ички кўринишини биринчи ярим йилликда реконструкциядан чиқариш ниятидамиз», — деди Ўзбекистон автомобиль ва дарё транспорти агентлиги бўлим бошлиғи Аллаберген Бердиев.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)