Тошкент шаҳридаги Инҳа университети профессори Ҳусниддин Олимов Халқаро Фанлар академияси (The World Academy of Science, TWAS) мукофоти соҳиблари қаторидан жой олди. Бу ҳақда университет матбуот хизмати хабар бермоқда.
Ҳусниддин Олимовга TWAS мукофоти сўнгги беш йилда физика фани бўйича халқаро нуфузли журналларда чоп этилган мақолалари учун топширилди.
IUT профессори 2016 йил учун мазкур нуфузли мукофотни Ўзбекистондан қўлга киритган ягона лауреат бўлди. Ўтган йил якунлари бўйича TWAS мукофоти дунёнинг 16 мамлакатидан 22 нафар ёш олимга берилди.
Ҳусниддин Олимовга мукофот сертификатини Ўзбекистон Фанлар академияси Президенти академик Беҳзод Йўлдашев топширди.
Маълумот учун, бош офиси Италиянинг Триест шаҳрида жойлашган Халқаро Фанлар академиясига 1983 йилда асос солинган. Академия ривожланаётган мамлакатларга фан ва инжиниринг ривожланишида кўмак беради, турли йўналишлардаги тадқиқотлар учун грантлар ажратади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)