Россия мудофаа вазирлиги Американинг F-22 қирувчилари Аляска яқинида Россиянинг Ту-95МС стратегик бомбардимончиларига қарийб ярим соат ҳамроҳлик қилиб борганини маълум қилди, деб ёзади «Газета.ru».
«2017 йил 17 апрель куни Украинка авиабазасининг иккита Ту-95МС стратегик бомбардимончиси ҳаво патруллиги бўйича топшириқларни муваффақият билан бажарди», — дейилади хабарда.
Таъкидланишича, Россия самолётлари парвозининг йўналиши Тинч океанидаги нейтрал сувлар устидан, Алеут ороллари бўйлаб ўтган. Бомбардимончилар 10 минг метр баландликда соатига 850 км тезликда 5 минг километрга яқин парвоз қилган.
«Парвоз давомийлиги етти соатдан ошиқни ташкил қилди. Аляска ҳудудида халқаро сувлар устида Ту-95МС самолётларига АҚШ ҲҲКнинг F-22 қирувчилари 27 дақиқа ҳамроҳлик қилди», — дея аниқлик киритди вазирлик.
Изоҳ (0)