АҚШ мудофаа вазирлиги шу йилнинг май ойида Тинч океани акваториясида КХДР ракеталарини тутиб олиш бўйича иккита ўқув синовларини ўтказмоқчи. Бу ҳақда CNN телеканали Пентагоннинг расмий вакилларига таяниб маълум қилди, деб ёзади «Газета.ru».
Телеканал маълумотларига кўра, синовлар АҚШ ҳарбий-денгиз флоти кемасидан ракетага қарши мудофаа тизимининг яхшиланган жанговар хусусиятларга эга ракеталарини учиришни ўз ичига олади. Таъкидланишича, ушбу ракеталарни яратиш дастури Шимолий Кореядан учирилиши мумкин бўлган ўрта масофага парвоз қилувчи ракеталарни тутиб олишга қаратилган.
Иккинчи синов эса КХДР ишлаб чиқаётган қитъалараро ракеталарни тўхтатиб қолишга йўналтирилади.
Изоҳ (0)