АҚШ президенти Дональд Трамп «Америка маҳсулотини сотиб ол ва америкаликларни ишга ёлла» номи остидаги фармонга имзо чекди. Бу ҳақда Reuters агентлигига таяниб, «Газета.ru» хабар берди.
Ушбу фармон америкалик ишлаб чиқарувчилар ҳамда ишчиларнинг ҳимояси учун йўналтирилган. Ҳужжат аниқ бирор чора кўришни белгиламайди, бироқ Америка маҳсулотларини бозордаги аҳволини ўрганишга йўналтирилган тадқиқотни бошлашга кўрсатма беради.
Бундан ташқари, Трампнинг сўзларига кўра, фармон H-1B ишчи визасини оладиган чет эллик фуқароларни синчиклаб танлаш имконини беради.
«Ҳозирда H-1B мутлақо тасодифий тарздаги тизим орқали берилади ва бу нотўғри. Аксинча, визалар энг малакали ва юқори ҳақ тўланадиган номзодларга тақдим этилиши ва улар ҳеч қачон америкаликнинг ўрнини эгаллашига йўл қўйилмаслиги керак», — деди Трамп.
Аввалроқ, апрель ойининг бошида Америка президенти савдо борасида иккита фармонни имзолаганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)