«Тошкент—Оҳангарон» йўлидаги авария оқибатида Nexia ҳайдовчиси ҳалок бўлди

1993 йилда туғилган ўртачирчиқлик ҳайдовчи Т.Ж. Nexia’ни бошқараётиб, рул бошқарувини йўқотган ва қарама-қарши томондан келаётган, 1990 йилда туғилган тўйтепалик А.Ж. бошқарувидаги ВАЗ-2107 автомобили билан тўқнашув содир этган.

Ўзбекистон Ички ишлар вазирлиги ахборотига кўра, ҳодиса 14 апрель куни соат 22:30 ларда Тошкент вилояти Ўрта Чирчиқ тумани ҳудудидан ўтувчи «Тошкент—Тўйтепа—Оҳангарон» йўлининг 36-километрида юз берган.

Натижада Nexia ҳайдовчиси воқеа жойида ҳалок бўлган, унинг йўловчилари — 1992 йилда туғилган бўкалик П.У., 1998 йилда туғилган ўртачирчиқлик Т.К. ва ВАЗ-2107 ҳайдовчиси А.Ж. турли даражадаги тан жароҳатлари олиб касалхонага ётқизилган.

«Дарё»нинг Telegram’даги расмий канали — @toshqindaryo’га аъзо бўлинг!