13 апрель, пайшанба куни Тошкентнинг Мирзо Улуғбек туманида йирик йўл-транспорт ҳодисаси содир бўлди, оқибатда икки киши ҳалок бўлди ва яна икки нафар инсон шифохонага ётқизилди, деб хабар бермоқда «Новости Узбекистана».
Йўл-транспорт ҳодисаси Мирзо Улуғбек туманининг Буюк ипак йўли кўчасида содир бўлган — Lacetti автомобили дарахтга урилган. Тошкент шаҳар ИИББ Йўл ҳаракат хавфсизлиги бошқармасидан маълум қилишларича, кучли тўқнашув оқибатида автомобилни бошқариб кетаётган 30 ёшли аёл воқеа жойида ҳалок бўлган.
Машинада у билан бирга ўзининг икки нафар фарзанди ҳам бўлган. Янги туғилган чақалоқнинг жони пойтахт шифохоналаридан бирида узилган, аёлнинг 9 ёшли қизи эса Воҳидов номидаги Республика жарроҳлик марказига етказилган. Шунингдек, автомобилда 35 ёшли аёл ҳам бўлган, у пойтахт шифохоналаридан бирига жойлаштирилган.
Дастлабки маълумотларга кўра, авария аёл автомобиль бошқарувини йўқотгани сабаб юз берган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)