«Мотор» нашри йўл-транспорт ҳодисаси сабабли увол бўлган суперкарларнинг нархи ҳақида маълумот бериб, уларнинг аянчли суратларини тақдим қилди.
BMW i8
BMW i8 — дунёдаги энг қулай ҳамда тежамкор суперкарлардан бири. 2014 йил ишлаб чиқарилган автомобиль бор йўғи 5000 километр йўл босган. Фалокатдан сўнг 2015 йилда сотувга қўйилган ушбу автомобилнинг нархи 13 минг долларга баҳоланган. Россияда янги i8 автомобилининг нархи 178 минг доллардан зиёдроқ. Машина 100 км/соат тезликка 4,4 сонияда чиқа олади ва максимал тезлигини 250 км/соатга етказиши мумкин.
Ferrari F50
Ferrari компаниясининг 50 йиллик юбилейига бағишлаб 1995 йилдан 1997 йилгача ишлаб чиқарилган ушбу автомобиль Ferrari тарихидаги энг қиммат ва талабгор автомобиллардан бири. Машина фалокатга учраши оқибатида унинг олд томони бутунлай йўқ бўлиб кетган. Автоулов 100 минг километрга яқин йўл юрган. Аукционда ушбу автомобилнинг нархи 5 минг доллардан бошланган.
Автомобиль V12 атмосфера двигатели билан жиҳозланган бўлиб, бунинг ёрдамида машина 100 км/соат тезликка 3,8 сония чиқа олади. Максимал тезлигини эса 325 км/соатга чиқара олади. Бу автомобилдан атига 349 нусха ишлаб чиқарилган.
Alfa Romeo Giulia Quadrufoglio
Alfa Romeo Giulia автомобиль бозорида яқиндагина пайдо бўлганига қарамасдан, ҳозирча бу турдаги машинадан иккитаси йўл-транспорт ҳодисаси туфайли бутунлай йўқ бўлиб кетгани маълум. Сўнгги машина интернет-аукцион орқали сотувга қўйилган. Унинг бошланғич нархи 1,5 минг доллардан бошланади. Автомобиль 2,9 литрли V6 двигатели билан жиҳозланган. Двигатель қуввати 510 от кучига эга. Тезлигини 3,9 сонияда 100 км/соатга чиқара олади.
Lamborghini Huracan
Huracan русумидаги автомобилининг бир вақтда иккитаси сотувга қўйилди. Иккала машинанинг ҳам куйган металлдан деярли фарқи қолмаган. Йўл-транспорт ҳодисасига учраган ушбу Huracan’нинг бошланғич нархи 5 доллардан бошланган.
Huracan’нинг мазкур моделининг эгаси эса суперкар учун камида 1000 доллар сўраган.
Acura NSX
Унчалик ҳам зарар етмаган NSX автомобилининг бошланғиш нархи 0 доллар. Агар машина учун 1 доллар тўлашга тайёр бирорта одам топилганида у сотилган бўларди, бироқ савдо пайтида автомобиль нархи 75 минг долларга чиқиб кетди. Янги Honda NSX тўрт йилдан ортиқ вақт давомида ишлаб чиқилган.
Автомобиль журналистларининг фикрича, суперкар бир томондан жуда замонавий ва қулай, бошқа томондан эса — кутилган даражада тезкор эмас. NSX тезлигини 3,2 сонияда 100 км/соатга чиқара олади. Максимал тезлиги 309 км/соатга тенг.
Изоҳ (0)