Берлиндаги Россия элчихонаси яқинида терактнинг олди олинди. Бу ҳақда «РИА Новости» хабар бермоқда.
Bild am Sonntag нашрига кўра, гумонланувчи — Марокаш фуқароси режалаштирилаётган ҳужумни ижтимоий тармоқлардаги ёзишмаларда муҳокама қилган.
У 15 апрель, шанба куни элчихона олдида бўлиб ўтадиган намойиш қатнашчиларига қўшилиб олиш ва ҳужум уюштиришни мўлжаллаган. Бироқ бундан хабар топган немис махсус хизматлари мамлакат жиноий полицияси, Саксония ва Берлиндаги полиция бўлимлари ҳамда ТИВни огоҳлантирган.
Махсус бўлинма шанбага ўтар кечаси, намойишдан бир неча соат аввал гумонланувчини Лейпциг яқинидаги Борсдорф манзилида жойлашган қочоқлар лагерида қўлга олди. Ҳозирда унинг уяли телефони текширилмоқда ва жиноий режалари далиллари қидирилмоқда. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)