Чеченистонлик сиёсатчи ва тадбиркор Исо Ямадаев Старопромисловский судининг 14 апрелдаги қарорига биноан сиртдан ҳибсга олинди. Бу ҳақда «Росбалт» агентлигига таяниб, «РБК» хабар бермоқда.
Исо Ямадаев Чеченистон президенти Рамзан Қодировнинг жонига қасд қилишга тайёрланганликда айбланмоқда.
Ямадаевнинг адвокатлари у ҳарбий хизматчи бўлгани боис унга нисбатан олиб борилаётган тергов ҳаракатлари ноқонуний эканлигини, Ямадаевнинг иши фуқаролик иши сифатида эмас, ҳарбий тергов томонидан кўрилиши лозимлигини таъкидламоқда.
«Барча далиллар ‘Восток’ батальонининг 2016 йил май ойида йўқолган бир неча собиқ аскари кўрсатмаларига асосланади. Ушбу кўрсатмалар вақт ва факт бўйича бир-бирига уланмаган турли жиҳатларга бой», — деди ушбу вазият билан таниш манбалардан бири.
Аввалроқ «Росбалт» агентлиги Россия тергов қўмитасининг Чеченистон бўйича бошқармаси 2017 йил март ойида Ямадаевни федерал қидирувга берганини эълон қилган эди. Қарорда Исо Ямадаев Қодировни акасининг ўлимида айбдор деб билгани ва 2016 йил май ойидан бери «қонли қасд олиш мақсадида қотиллик содир этишга қарор қилгани» қайд этилган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)