Ҳиндистоннинг Мумбай, Ченнай ва Ҳайдаробод шаҳарлари халқаро аэропортларида авиалайнер қўлга олиниши ҳақидаги хабар туфайли хавф тартиби эълон қилинди. Аэропортларнинг барча хизматлари ва хавфсизлик кучлари бўлинмалари тайёргарлик ҳолатига келтирилди, дея маълум қилди «ТАСС».
NDTV телеканалига кўра, Мумбай полицияси электрон почтасига ресторанда 6 нафар эркакнинг уч аэропортдан парвоз қиладиган самолётларни бир пайтнинг ўзида эгаллашни муҳокама қилганини эшитган аёлдан хабар келиб тушган. Мазкур операцияда жами 23 киши иштирок этиши кўзда тутилган.
Полиция олинган мазкур маълумот ҳақида муҳим саноат объектлари, жумладан, аэропортлар, тезкор транспорт йўналишларини қўриқлайдиган махсус бўлинма — Саноат хавфсизлиги марказий кучларини огоҳлантирди.
Аэропортларда аксилтеррор бўлинмалар ва кинологлар иш олиб бормоқда, бошқа зарур чоралар кўрилган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)