Асад: Сурия ҳукуматида бошқа кимёвий қурол йўқ

Сурия ҳукуматида бошқа кимёвий қурол йўқ. Бу ҳақда президент Башар Асад AFP агентлигига берган интервьюсида маълум қилди, деб ёзади «ТАСС».

Унинг ишонтиришича, Дамашқнинг тахмин этилаётган кимёвий ҳужумга алоқадорлиги ҳақидаги даъволар «бутунлай тўқиб чиқарилган». «Шундай таассурот уйғонадики, террорчиларнинг ҳамтовоғи бўлган АҚШ Суриядаги авиабазага зарба бериш учун баҳонани юзага келтириш мақсадида бу воқеанинг барчасини атайлаб уюштирган», — дея аниқлик киритди Асад.

«Бизда кимёвий қурол йўқ. Бир неча йил олдин биз ўзимизнинг барча захираларимиздан воз кечганмиз, — деди Сурия президенти. — Ҳатто бундай қуролимиз бўлганида ҳам, ундан ҳеч қачон фойдаланмаган бўлардик».

«Дарё»нинг Telegram’даги расмий канали — @toshqindaryo’га аъзо бўлинг!