Asad: Suriya hukumatida boshqa kimyoviy qurol yo‘q

Suriya hukumatida boshqa kimyoviy qurol yo‘q. Bu haqda prezident Bashar Asad AFP agentligiga bergan intervyusida ma’lum qildi, deb yozadi “TASS”.

Uning ishontirishicha, Damashqning taxmin etilayotgan kimyoviy hujumga aloqadorligi haqidagi da’volar “butunlay to‘qib chiqarilgan”. “Shunday taassurot uyg‘onadiki, terrorchilarning hamtovog‘i bo‘lgan AQSh Suriyadagi aviabazaga zarba berish uchun bahonani yuzaga keltirish maqsadida bu voqeaning barchasini ataylab uyushtirgan”, — deya aniqlik kiritdi Asad.

“Bizda kimyoviy qurol yo‘q. Bir necha yil oldin biz o‘zimizning barcha zaxiralarimizdan voz kechganmiz, — dedi Suriya prezidenti. — Hatto bunday qurolimiz bo‘lganida ham, undan hech qachon foydalanmagan bo‘lardik”.

“Daryo”ning Telegram’dagi rasmiy kanali — @toshqindaryo’ga a’zo bo‘ling!