АҚШ Қуролли Кучлари 13 апрель куни Афғонистондаги ИШИД террорчилари объектларига ўзининг энг қудратли авиабомбаси — GBU-43/B’ни ташлади. Meduza’нинг хабар беришича, мазкур бомбадан илк бор жанговар шароитда фойдаланилди.
Хабар беришларича, ушбу қурол воситасида Афғонистон шарқидаги Нангарҳор вилоятидаги террорчиларнинг ерости иншоотларини йўқ қилиш мақсад қилинган.
GBU-43/B’нинг бошқа бир номи ҳам бор — MOAB (Massive Ordnance Air Blast, портловчи ҳаракатли оғир ўқ-дори). Мазкур қисқартмани Mother of All Bombs, яъни, «барча бомбаларнинг онаси» деб ҳам таърифлашади.
GBU-43/B бомбаси 2000 йилларнинг бошида ишлаб чиқилган бўлиб, у АҚШ Қуролли Кучлари ихтиёридаги энг кучли ноядровий бомба ҳисобланади. Бомбанинг оғирлиги 9,5 тонна, қуввати — тротил эквивалентида 11 тонна.
Бир неча йилдан сўнг Россияда юқори қувватли вакуум авиабомбаси ишлаб чиқилган бўлиб (расмий номи маълум қилинмаган), уни, шунингдек, «барча бомбаларнинг отаси» деб таърифлашади.
Мавзуга доир: Фотофакт: Дунёдаги энг вайронкор бешта қурол
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)