Сурия шимолида АҚШ бошлиқ аксилтеррор коалициясининг хато авиазарбаси оқибатида «Сурия демократик кучлари»нинг 18 нафар жангчиси ҳалок бўлди. Бу ҳақда АҚШ Мудофаа вазирлиги матбуот хизмати маълум қилди.
Зарба номи ошкор этилмаган «иттифоқчи кучлар»нинг илтимосига кўра амалга оширилмаган; улар хатолик сабаб зарба берилган ҳудудни ИШИД террорчилари марраси деб топган.
Зарба айнан қаерга берилгани очиқланмаган, деб ёзади Meduza.
Аввалроқ Америка ҳарбийлари Сурия раҳбариятининг коалиция томонидан Дайр-аз-Зорда ИШИДнинг кимёвий қурол омборлари ўққа тутилгани, оқибатда «юзлаб аҳоли» ҳалок бўлгани ҳақидаги баёнотини рад этиб чиққан эди. Коалиция вакилининг сўзларига кўра, Сурия раҳбариятининг бу баёноти «катта эҳтимол билан, мақсадли дезинфорациядир».
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)