IShID terrorchilik tashkiloti 12-aprel, chorshanba kuni Afg‘oniston poytaxti Kobulda yuz bergan terakt uchun javobgarlikni o‘z zimmasiga oldi. Bu haqda “RIA Novosti” xabar bermoqda.
IShIDning ma’lum qilishicha, hodisa terrorchi-xudkush yordamida prezident saroyi oldidagi nazorat-o‘tkazish punkti yaqinida amalga oshirilgan.
Avvalroq OAV Mudofaa vazirligi va Prezident saroyi joylashgan Kobulning Puli Mahmud Xon dahasida portlash yuz bergani haqida xabar qilgan edi.
Tolo News telekanalining Afg‘oniston Mudofaa vazirligi vakiliga asoslanib xabar berishicha, hodisa oqibatida jabrlanganlar bor, biroq ularning aniq soni haqida batafsil axborot bermagan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)