GM Uzbekistan ўз автомобилларининг нархи ошиши ҳақидаги миш-мишларга «алоқаси йўқлиги»ни билдирди

GM Uzbekistan компанияси Facebook’даги саҳифасида компания автомобилларининг нархи ошиши ҳақида турли нашрларда эълон қилинган хабарларга муносабат билдирди.

Facebook ижтимоий тармоғидаги қатор янгиликлар агентликларнинг саҳифаларида GM Uzbekistan томонидан ишлаб чиқарилаётган автомобиллар нархларини ошиши тўғрисидаги хабарларга оид келиб тушаётган кўплаб саволлар муносабати билан шуни расман маълум қиламизки, GM Uzbekistan’нинг бундай хабарларга алоқаси йўқ.

GM Uzbekistan фаолияти ҳақида ишончли маълумот компаниянинг расмий веб-сайти — www.gmuzbekistan.uzва Facebook ижтимоий тармоғидаги расмий саҳифаси (@gmuzbekistanofficial)да чоп этилади.

GM Uzbekistan томонидан ишлаб чиқарилаётган автомобилларнинг моделлари, модификациялари, опсиялари ва нархлари борасидаги ҳар қандай ўзгариш компаниянинг расмий вебсайти ва Facebook-саҳифаларида олдиндан хабар қилинади.

GM Uzbekistan