Американинг United Airlines авиакомпанияси ўз ходимларига жой етмагани сабабли йўловчилардан бирини куч ишлатиб тушириб юборди. Самолётнинг бошқа йўловчилари воқеани тасвирга олди, деб хабар берди Meduza.
Чикагодан Луисвиллга учиши керак бўлган рейс 10 апрель тонгига режалаштирилган эди. Барча йўловчиларга жой етарли эди, бироқ United Airlines ўзининг яна тўрт ходимини жойлаштирмоқчи бўлди. Аввалига улар 400 доллар эвазига йўловчиларга парвоздан воз кечиш таклифини берди, аммо ҳеч ким рози бўлмаган. Суммани 800 долларга кўтаришган, лекин йўловчилар яна рози бўлмаган.
Шундан сўнг кейинги рейс билан учадиган йўловчиларни тасодифан танлашга тушишган. Улардан бири (мижозлари олдига учиши керак бўлган шифокор) бош тортган, кейин уни самолётдан судраган ҳолда олиб чиқишган. Натижада парвоз икки соатга ушланиб қолган.
Авиакомпания бўлиб ўтган ҳодиса юзасидан кечирим сўради. United Airlines раҳбари Оскар Мунос ҳозирда ташкилот воқеани текшираётганини айтди. Бундан ташқари, ходимлар вазиятни ҳал қилиш учун жабрланган йўловчи билан боғланган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)