Покистонлик ҳуқуқ ҳимоячиси ва тинчлик бўйича Нобель мукофоти лауреати Малала Юсуфзай расман БМТ тинчлик элчиси этиб тайинланди. Бу ҳақда «ТАСС» хабар бермоқда.
13 ёшида жангарилари ҳужумига дуч келган Малала қизлар учун таълим масалалари билан шуғулланади.
Энг навқирон Нобель мукофоти соҳиби (17 ёшида нуфузли мукофотни қўлга киритган) халқаро ташкилот тарихида ҳам энг ёш тинчлик элчисига айланди: Малала шу йил июль ойида 20 ёшга тўлади.
Унинг мазкур вазифага киришиш маросими БМТ Васийлик кенгашида бош котиб Антониу Гутерриш иштирокида бўлиб ўтди. Гутерриш покистонлик ҳуқуқ ҳимоячиси «адолат, тенглик ва барқарор ривожланиш ҳукм сурадиган келажакнинг умумий кўриниши»ни амалга оширишда халқаро ташкилотга кўмак беришига умид билдирди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)