Пекин давлат хавфсизлик бошқармаси Хитой фуқароларини жосуслик фаолияти ҳақида хабардор қилишга чақирди. Бунинг учун 500 минг юангача (72 минг доллар атрофида) пул мукофоти ваъда қилинди, дея хабар беради «ТАСС».
«Фуқаролар жосуслик фаолияти ҳақида хабар беришларини рағбатлантириш» деб номланган ҳужжатга кўра, тўлов суммаси олинган маълумот қимматига қараб белгиланади.
Ҳар бир киши миллий хавфсизликка таҳдид, хорижий махсус хизматлар ёки шахслар томонидан Хитой давлат сири ҳисобланадиган маълумотлар қўлга киритилиши ҳолатлари ҳақида «Ишонч телефони»га қўнғироқ қилиб, мактуб йўллаб ёки бошқармага шахсан келиб, маълум қилиши мумкин.
Бундай маълумот учун мукофотнинг энг ками 10 минг юань (1,5 минг доллар атрофида) эканлиги билдирилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)