АҚШнинг Tesla компанияси ўз маблағи ҳисобидан Хитой жанубидаги Гуандун провинциясида завод қуришни режалаштирмоқда. Бу ҳақда «ТАСС» хабар бермоқда.
Маҳаллий ОАВга кўра, корхона жойлаштирилиши учун жой танланган, лойиҳа эса расмийлар тасдиғида турибди. Агар ҳаммаси кўнгилдагидек амалга ошса, Tesla ўз режалари тўғрисида шу йил эълон қилиши мумкин.
Tesla маҳсулотлари камроқ солиққа тортилишидан ташқари, компания Гуандун провинциясида электромобиллар ишлаб чиқарувчиларга кўрсатилаётган қўллаб-қувватлашдан ҳам фойдаланиши мумкинлиги билдирилмоқда.
Инвестициялар ҳажми, амалга оширилиш муддати ва лойиҳанинг бошқа тафсилотлари маълум қилинмади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)