Nissan компанияси Нью-Йоркда бўлиб ўтадиган автошоуда намойиш этадиган стендлари ҳақида маълум қилди. Компания автошоу меҳмонларини «Юлдузлар жанги» оламига таклиф қилади. Стендлар орасида улкан «Ўлим юлдузи» пайдо бўлади. Бу ҳақда «Мотор» хабар берди.
Стендда яратилган космик станция ягона мавзувий элемент эмас. Nissan «рақамли ойна» — монитор ҳам ўрнатади. Мониторда одамлар ўзини фильм қаҳрамонлари образида кўра олади.
Шу билан бирга стендларда «ҳақиқий» штурмчилар, шунингдек, марканинг иккита махсус машинаси намойиш этилади. Улар X-Wing Rogue концептлари ва Rogue кроссовери.
Шу қаторда компания «Юлдузлар жанги»га бағишланган Rogue’нинг махсус кўринишини тақдим этади. Модель фильм элементлари билан безалган биринчи расмий кўп сонли ишлаб чиқариладиган автомобиль ҳисобланади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)