Ишлаб чиқариш дизайни соҳасидаги нуфузли мукофот Red Dot Design Award ғолиблари эълон қилинди. Ҳар йили ўтказиладиган халқаро конкурснинг бош мукофоти етакчи инқилобий дизайн, шунингдек, инновацион, юқори самарадорлик, эргономика ва экологик тозалик учун тақдим этилади. Бу йил транспорт категорияси бўйича биринчи ўринга тўртта автомобиль ва битта мотоцикл лойиқ деб топилди. «Мотор» ғолиблар фотожамланмасини тақдим этди.
Mazda MX-5 RF
Best of the Best’нинг мукофотларидан бири қаттиқ йиғилувчан томли Mazda MX-5 RF родстерига насиб этди. Худди шу модель 2015 йилда юмшоқ том билан танлов ғолибига айланган эди.
Қаттиқ томли родстер 2016 йилда Нью-Йорк автосалонида намойиш этилган. Томни 10 км/соат тезликда 13 сонияда йиғиш мумкин. Янги модель 1,5 литр сиғимли 141 от кучига ва 2 литр сиғимли 182 от кучига эга двигателлар билан жиҳозланган.
Ferrari J50
Тўққиз нусхада яратилган эксклюзив суперкар итальян ишлаб чиқарувчисининг япон бозорига кирганлигининг 50 йиллиги шарафига яратилган. Машина 488 Spider асосида яратилган, бироқ ундан бутунлай янги кузов билан ажралиб туради.
Суперкар 3,9 литр сиғимли саккиз цилиндрли 690 от кучига эга двигатель билан жиҳозланган. Тахминан, уч сонияда 100 км/соат, 8,7 сонияда 200 км/соат тезликка эришади.
Audi Q2
Audi’нинг Q3 моделидан қарийб 20 сантиметрга қисқа бўлган энг кичкина кроссовери ҳам мукофотга лойиқ топилди. Машина таг қисмининг ердан баландлиги 200 мм, вазни эса 1205 килограммни ташкил қилади.
Kia Optima Sportswagon
Sportspace концепти услубида яратилган автомобиль 553 литр ҳажмли юкхонага эга. Машина учун 1,7 литр сиғимли 141 от кучига эга дизель, икки литр сиғимли 163 от кучига эга бензин ва 145 от кучига эга турбинали двигателни буюртма қилиш мумкин.
Yamaha XSR900
115 от кучига эга мотоцикл алюминли шасси, 847 куб сантиметрли уч цилиндрли двигателга ҳамда олти даражали тезлик узатиш қутисига эга.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)