АҚШ давлат котиби Рекс Тиллерсон фикрича, Россия ва Сурия ҳукуматидан ташқари, Сурия можаросига нуқта қўйилишидан манфаатдор бўлган барча томонлар Америка қуролли кучлари томонидан Суриядаги авиабазага берилган зарбани маъқуллаши керак. Бу ҳақда «ТАСС» хабар бермоқда.
«Мен ушбу томонларнинг барчаси, Башар Асад ва, эҳтимол, Россиядан ташқари, бу муайян хатти-ҳаракатни қўллаб-қувватлашини кутмоқдаман. Умуман олганда, бизнинг Суриядаги вазиятга ёндашувимиз ва бизнинг бугунги кундаги сиёсатимиз биринчи навбатда ИШИДни тор-мор қилишдан иборат», — деди Тиллерсон ракета зарбаси амалга оширилишига нисбатан хусусан, Туркия, курдлар ва Россия томонидан қандай дипломатик реакция кутаётгани ҳақидаги саволга жавоб бераркан.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)