БМТ Хавфсизлик кенгашининг муваққат аъзоси бўлган Боливия АҚШнинг Суриядаги авиабазага ракетали зарбаларини муҳокама қилиш учун шошилинч учрашув ўтказишни сўради, деб ёзади «ТАСС» Хавфсизлик кенгашига аъзо мамлакатлардан бирининг дипломатига таяниб.
«Боливия Хавфсизлик кенгаши учрашуви ўтказилишини сўради, у қачон ўтказилиши ҳозирча аниқ эмас», — деди агентлик суҳбатдоши.
6 апрель, пайшанба куни АҚШ қуролли кучлари президент Дональд Трамп буйруғи билан Суриянинг Хомс провинциясидаги ҳарбий аэродромга қарата 59 та қанотли Tomahawk ракеталарини учирди. Ракета зарбаси 4 апрель куни Суриянинг Идлиб провинциясида кимёвий қуролдан фойдаланилгани учун жавоб бўлди. АҚШ раҳбарияти тахмин этилаётган кимёвий ҳужум ушбу аэродромдан бошланган, деб ҳисоблайди.
Изоҳ (0)