Хонанда Дилфуза Исмоилова журналист Жасур Ҳамроевга берган интервьюси давомида у Аҳмадбойни мақтагани акс этган видеороликни ёдга олиб, «Аҳмадбойга пул берганмисиз?», — қабилидаги саволга жавоб қайтарди. Бу ҳақда «Darakchi.uz» хабар бермоқда.
Хонанданинг сўзларига кўра, Аҳмадбойнинг унга «ҳеч ёмонлиги тегмаган». «У бизни ҳар доим тўйга айтарди. Шунинг учун уни мақтаб, дуо қилиб қўйганмиз», — деди Дилфуза Исмоилова.
Аҳмадбойга пул бермаганман. Машина бергандим. Машинага куйдим. У ҳам бир инсон. Беайб Парвардигор. Дўстга ҳам, душманга ҳам айтадиганим — омадини берсин!Дилфуза Исмоилова ўтган йил июлида берган интервьюларининг бирида Аҳмадбойни «қариндошларимдан бири» деб атаган, уни мақтаб дуо қилиб қўйганида эса «номақбул ҳолат йўқ»лигини таъкидлаган эди.Дилфуза Исмоилова, хонанда
Маълумот учун, бир неча йил давомида икки баробар қилиб қайтариш ваъдаси билан жуда катта миқдордаги омонат маблағларини миллий ва хорижий валютада қабул қилиш билан ноқонуний равишда шуғулланиб келган, чинозлик Аҳмадбой номи билан танилган Аҳмад Турсунбоев 2016 йилнинг 15 июнь куни ҳуқуқ-тартибот органлари томонидан ҳибсга олинган эди.
Аҳмадбой ҳибсга олинганидан сўнг, ижтимоий тармоқлар ва оммабоп мессенжерларда унга пул бергани тахмин қилинган санъаткорларнинг рўйхатлари пайдо бўлди. Аниқлиги гумон остида бўлган бу рўйхатларга киритилган санъаткорларнинг баъзилари, хусусан, Муниса Ризаева, Раъно Ярашева, Адҳам Солиев кабилар Аҳмадбойга пул берганини рад этиб чиқди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)