Актриса Асал Шодиева бугун, 6 апрель куни таваллуд айёмини нишонламоқда. Шу муносабат билан актрисанинг дўстлари, яқинлари ва оила аъзолари Асални туғилган куни билан табрикламоқда, деб ёзади «Darakchi.uz».
Жумладан унинг синглиси Робия Шодиева Instagram ижтимоий тармоғи орқали опасига аталган самимий дил изҳорини ёзиб қолдирди.
«Ўтмишга назар ташлаб, сиз билан ўтган болалигим (у ҳақиқатан ҳам бўлган)ни табассум билан ёдга оламан.
Кун бўйи кўчада ўйнаганларимиз, дўстларимиз билан картошка қовурганимиз, сайрга чиққанларимиз ёдимда. Онам эса биз бироз бўлса ҳам уйда ўтиришимиз учун бизга кучукчалар, қуёнчалар, балиқчалар ва ҳатто жўжачалар совға қилардилар. Ҳар йили лагердаги саргузаштларимиз-чи, бир сафар чўкиб кетишимга бир баҳя қолганида сиз мени қутқариб қолгансиз. Биз ҳар доим ота-онамиз олдида бир-биримизнинг айбларимизни яширардик. Уйда кўп гилос бўлишига қарамай, янги кўйлак кийиб, қўшнимизникига гилос ўғирлагани борганимиз ёдимда.
Мен болалигимдан акам бўлишини орзу қилардим. Сиз ҳар доим менга акам ўрнини босгансиз. Сиз ҳар доим тарафимни олар ва мени ҳимоя қилар эдингиз. Мендан бир ёшгина катта бўлсангиз ҳам ҳамма сиздан қўрқарди. Сиз ўша вақтларда чўқинтирган ота эдингиз. Бугун ҳар биримизнинг ўз оилаларимиз бор. Сиз ҳақиқий гўзаллик тимсоли, латофатли келинчак ва ғамхўр рафиқа бўлдингиз. Мен сиз ва сизни кўз қорачиғидек асровчи турмуш ўртоғингиз учун жуда ҳам бахтлиман.
Мен сенинг энг яхши талқинингни билмайман, бироқ энг яхшисига мунтазам интилиш мени илҳомлантиради. Сен — менинг ягонамсан, Сен — чунки сендан яқинроғим йўқ, Сиз — чунки Сизга бўлган ҳурматим чексиз. Туғилган кунингиз билан!», — деб ёзди Робия Шодиева.
Нашр эслатишича, Робия бир вақтлар «Божалар» гуруҳининг аъзоси бўлган Шаҳзод исмли йигитга турмушга чиққан. Уларнинг Амир исмли ўғил фарзандлари бор.
Робия ўз табригида Асал Шодиева унинг ўғли Амирни кўришга деярли ҳар куни келиши, ўз навбатида унинг ўғли Амир ҳам холасини кўрганида унга талпинишини ҳам баён қилган.
Изоҳ (0)