33 ёшли қўшиқчи Сионед Вин Робертс Британиянинг Voice шоу-кўрсатуви (Россиядаги «Голос» шоусининг муқобили)да иштирок этишига бир неча кун қолганида оламдан ўтди, дея хабар бермоқда Daily Mail.
Танлов иштирокчиси 30 март, пайшанба куни ҳакамлар қаршисида чиқиш қилиши керак эди. Аёл сешанба куни кечқурун уйида тўсатдан йиқилган. Унинг турмуш ўртоғи Дениэл Жонс аёлни хушига келтиришга уринган, бироқ унинг ҳаракатлари беҳуда кетган.
Ҳодиса жойига етиб келган шифокорлар аёлни дарҳол жонлантириш бўлимига юборган. Шифокорлар клиник ўлимни қайд этганидан сўнг, яна бир ярим соат уни ҳаётга қайтаришга ҳаракат қилган, аммо фойдаси бўлмаган.
Робертснинг тўрт фарзанди бор эди, энг кенжаси яқинда тўрт ёшга тўлган эди. Кутилмаган ўлим сабаблари маълум қилинмаган.
Аёл маҳаллий CôrNarfon хорида қўшиқ куйлаган. Оила аъзоларининг айтишича, қўшиқчи аввал Voice’да иштирок этган ва X Factor танловида қатнашишни режалаштираётган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)