Дубайда дунёдаги энг баланд Бурж Халифа осмонўпари яқинида қурилаётган 60-қаватли Address Residence Fountain Views турар-жой мажмуи ҳудудида ёнғин чиқди. Бу ҳақда «РИА Новости» хабар бермоқда.
Алангаланиш 2 апрель, якшанба куни маҳаллий вақт билан тахминан 5:30 да бошлангани билдирилмоқда. Бино яқинида Dubai Mall савдо комплекси ва янги йил арафасида йирик ёнғин келиб чиққан Address Hotel меҳмонхонаси жойлашган.
«Воқеа жойига тез тиббий ёрдам машиналари юборилди. Жабрланганлар ҳақида ҳозирча маълумот берилмади», — дейилади Дубай медиамаркази хабарида.
Фавқулодда хизматлар ёнғин бартараф этилгани, ўт ўчирувчилар алангаланиш жойида ишни давом эттираётганини маълум қилди. Шаҳар расмийлари яқин атрофдаги кўчаларда ҳаракатланишни тўхтатди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)