Футбол бўйича Ўзбекистон Олий лигасида 4-тур беллашувларига якун ясалди. Пайшанба куни «Насаф» йирик ғалабага эришган, «Бунёдкор» эса 2 очко йўқотганди. Жума оқшомида қолган олти учрашув бўлиб ўтди.
Ўтган мавсум тўртталикка ҳам кира олмаган Тошкентнинг «Пахтакор» клуби кетма-кет иккинчи мағлубиятини қабул қилиб олди. Бир тур аввал ўз майдонида «Динамо»га имкониятни бой берган «пахтакорчилар», бу сафар Муборакда йирик ҳисобда енгилди — 0:3.
Кетма-кет уч ғалабага эришган лига дебютанти «Динамо» эса ўз майдонида «Навбаҳор»дан мағлуб бўлди. Водийнинг бошқа бир клуби «Қўқон—1912» Фарғона дербисида «Нефтчи»ни таслим қилди.
Мазкур турда мамлакатнинг амалдаги чемпиони «Локомотив» Олмалиқ клуби дарвозасига жавобсиз 5 та гол урди. Бекободнинг «Металлург» клуби эса мавсумдаги биринчи ғалабасига эга чиқди.
Ўзбекистон Олий лигаси 4-тур беллашувлари 31 март, жума
«Нефтчи» — «Қўқон—1912» 1:2
Голлар: Филипп Раевац, 19 (0:1). Шерзод Ҳакимов, 63 (1:1). Носир Отақўзиев, 79 (1:2).«Машъал» — «Пахтакор» 3:0
Голлар: Искандар Шойқулов, 69 (1:0). Кенжа Тўраев, 80 (2:0). Ҳумоюн Муртазоев, 90+3 (3:0).«Металлург» — «Шўртан» 4:2
Голлар: Дилмурод Каримов, 2 (1:0). Сардор Собирхўжаев, 19 (1:1). Дониёр Одилов, 27 (2:1). Ислом Қобилов, 39 (3:1). Дилмурод Каримов, 57-пен (4:1). Отабек Нарзуллаев, 90+1 (4:2).«Динамо» — «Навбаҳор» 0:1
Гол: Ойбек Қиличев, 15 (0:1).Четлатиш: Ойбек Қиличев, 76 (захирадан).«Қизилқум» — «Бухоро» 0:1
Гол: Ивор Вейцер, 38 (0:1).«Локомотив» — «Олмалиқ» 5:0
Голлар: Ислом Тўхтахўжаев, 13 (1:0). Икром Алибоев, 32 (2:0). Сардор Мирзаев, 54 (3:0). Жалолиддин Машарипов, 75-пен (4:0). Марат Бикмаев, 90 (5:0).
Изоҳ (0)