Аргентина терма жамоаси сардори Лионель Месси Чили терма жамоасига қарши ўйинда ҳакамларни ҳақорат қилгани учун ФИФА томонидан тўртта ўйинга дисквалификация қилинди. Бу ҳақда Meduza хабар бермоқда.
Халқаро футбол федерацияси ўзининг ушбу қарорини Аргентина терма жамоасининг Боливияга қарши ЖЧ—2018 саралаш учрашувига бир неча соат қолганида эълон қилди.
Месси, дисквалификациядан ташқари, 9 минг евро миқдорида жаримага ҳам тортилган.
Аргентина — Чили учрашуви учрашуви 24 март куни бўлиб ўтган эди. Аргентина ўйинда кичик ҳисобда, Мессининг ягона голи эвазига ғалаба қозонган.
Ўйин давомида Месси унга сариқ карточка кўрсатилганидан норози бўлиб, ҳакамларга бақирган. Айни вақтда, ҳакамларнинг ўзи футболчи ҳақорат қилгани ҳақидаги хабарларни рад этган эди.
Дисквалификация сабаб Аргентина терма жамоаси сардори Боливия, Уругвай, Венесуэла ва Перуга қарши ўйинларни ўтказиб юборади. У фақат Эквадорга қарши бешинчи ўйинда майдонга тушиши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)