Россиялик миллиардер, Алишер Усмоновга тегишли Mail.ru Group директорлар кенгашининг собиқ раиси Юрий Мильнер Fortune журнали версияси бўйича дунё етакчилари рўйхатига киритилди. Бу ҳақда Forbes хабар бермоқда.
«Инвесторга айланган россиялик физик Facebook ва Airbnb каби технологик компанияларга таяниб, ўзининг миллиардларини ишлаб олди. У ўзга цивилизацияларни қидириш бўйича лойиҳани ҳам қўллаб-қувватламоқда», — дея ўз қарорини изоҳлаган журнал таҳририяти.
Юрий Мильнер 2005 йилда Digital Sky Technologies инвестиция фондига асос солган, мазкур фондга кейинчалик Алишер Усмонов инвестициялар киритганди. Forbes унинг бугунги кундаги мол-мулкини 2,8 миллиард доллар баҳоламоқда.
Chicago Cubs бейсбол клуби президенти Тео Эпштейн 50 кишидан иборат Fortune рейтинги етакчисига айланди. Унинг раҳбарлиги остида жамоа 108 йил мобайнида биринчи бор АҚШ чемпионатида ғолиб чиқди.
Изоҳ (0)